美心MX (已結業)

Sat night, 去完探外婆，得我同阿媽食晚飯，於是就依我意思去美心打邊爐。由於阿媽on diet，唔能夠食太多，所以我地只係叫個一個火鍋，加了龍蝦丸拼餃子。要咗至愛嘅蕃茄湯。蕃茄湯大大煲，都唔洗加湯都夠飲，有新鮮蕃茄，微酸，無味精。火鍋料有牛肩肉數片、生菜、龍蝦丸、鮮菇、獅子狗、烏冬、蔬菜。牛肩肉數片，偏瘦，好呀，我鍾意，好過肥牛勁多膏。牛肩肉都算幾滑，唔會太鞋。龍蝦丸都唔錯，幾彈；餃子就係灣仔碼頭嘅，一貫灣仔碼頭嘅豬騷味。蔬菜不錯，有南瓜、金菇、娃娃菜、皇帝菜，全部都新鮮，亦洗得夠乾淨。烏冬唔算靚貨，無吉野家嗰d咁彈，不過都唔錯，打邊爐始終要有d麵食之類作結才滿足。