嘆嘆 (裝修中)

今日同朋友去食e間餐廳，見到食評唔錯就嚟試下。我點左個牛肉麵套餐，一嚟到發現牛肉麵唔太熱，充其量係暖。而且，食到紅蘿蔔白蘿蔔果陣時，白蘿蔔好酸，我就覺得奇怪。再試試紅蘿蔔，又係酸既。我就以為係咪本來就係酸既，係我食唔慣，但食完再去睇返食評，見到食評話蘿蔔清甜可口…..我就開始懷疑自己係咪食到變壞既蘿蔔。但我冇再追究，因為已經離開左餐廳。第二件事就係我和朋友叫既套餐都係B套餐，即會送一份今日精選甜品，我和朋友食完加傾下計差唔多都有1個鐘，我地都唔記得有甜品未嚟。最後都係離開餐廳先記得。E件事雖然我地有責任，唔記得提佢上甜品，但亦冇人通知過我地甜品後上或者甜品需要即時候先叫佢地上，e件事亦好遺憾，本身都幾期待d甜品。優點都有，牛肉好食，都有好多舊。麵都好食總結：體驗一般。牛肉麵是暖的，唔係好熱。蘿蔔變酸變質。甜品冇上冇食到。