臺北棧 (荷李活道) (已結業)

把握堂食時間，今次終於有機會食到。每次經過荷李活道，都會畀“我愛台妹”這個招牌所吸引。見其他食評評價都好高， 一於嚟試下，果然無令我地失望。環境好chill睇下餐牌有咩食先招牌牛肉麵呢個好味到不得了，真係必食。牛肉超淋有牛味， 刀削麵有咬感又煙韌。 湯底清而甜，有濃濃的牛骨味。 面頭灑上炸過的蟲草花，口感更上一層樓。髒髒芋泥鹹蛋黃蛋餅賣相吸引，口感非常紮實。 芋泥滿到瀉出來，不會太甜，味道剛好。適合開心share黎食。雙色鹽酥雞個人偏愛清新的柚子醬多點。鹽酥雞外脆內軟，夠juicy。每粒份量大過乒乓波，但只是裹上薄薄一層炸粉，啖啖肉，超正！芭樂苦瓜汁以為會很苦，但有芭樂中和，只有甘甘的味道。沒有過多青草味。食咁多好嘢，四百蚊都唔使，超值。