清真牛肉館 (龍崗道) (已結業)

去完小店食心太軟，又行過黎清真再食過。每人一個牛肉餅，再加多咖哩牛腩跟薄餅。牛肉餅真係十年如一日咁好食。皮唔算厚，剛好包住牛肉餡同牛肉汁。新鮮即整，熱到辣口。牛肉汁超多，超有肉味，又唔太肥膩。牛肉嫩滑，味鮮。咖哩牛腩份量不少，有牛腩又有牛筋。咖哩非常香濃，夠辣。如果用黎送飯就一流。牛腩好淋，但牛味唔大出；牛筋炆得非常淋，也入味。薄餅我一向唔多鍾意食，所以覺得一般。但阿媽同阿姨都話個薄餅質地口感都比牛肉餅皮的好吃。勝在唔會超油膩。