MOO MOO Plus (百德新街) (已結業)

Moo Moo Plus位於銅鑼灣海旁，走modern工業風。餐廳有幾部電視機，今日播足球比賽，可以邊睇邊食飯。室內開左大窗，空氣流通。室外亦都有高枱櫈，大家可以坐喺出面飲下酒，感覺好chill。牛油果珍珠帶子法包Scallop Avocado Bruschetta$108法包上面放左好多好似珍珠既小帶子同車厘茄，好可愛。法包塗左綠色醬，應該就係牛油果，配埋香草一齊食，味道好fresh!！加拿大藍青口配白酒忌廉汁White Wine Blue Mussel With French Bread$158加拿大藍青口細細隻，一啲都唔韌。白酒忌廉汁個味道正中我心意，完全岩晒我口味，即刻用配送既法包片點汁食，連埋黃椒紅椒條，味道非常有層次感。呢個我會再encore！招牌雙重芝士牛肉漢堡配薯條Moo Moo Burger With Cajun Fries$168Burger包包有燒洋蔥，芝士，兩塊牛肉，蕃茄，生菜。牛肉聞到有煎香味，真係好香又好味。燒洋蔥係用燒汁煮熟左，個味道同牛肉漢堡好夾！薯條熱辣辣脆卜卜，正！經典燒肋骨BBQ Pork Tender Ribs$248燒肋骨好大個，大約有7條骨。