616牛肉火鍋專門店

營業中

休息中

中學同學約gathering一早book左616，不過上到去都要等多十幾分鐘先入得。天氣乾燥，皮膚濕沴嚴重左，同學叫我唔好食咁多牛肉同重口味嘅食物，佢地特登叫個牛骨清湯比我，另外一鍋就要沙嗲湯底。我地叫左好多牛肉，豬肉就叫比我，黑豚肉餃子都唔錯。不過落左單服務員同我地講好多料都賣唒冇得食，有少少失望。同學話匙柄，金花趾，牛肉味都幾重，唔錯。想encore不過已經賣唒。炸羽衣甘藍都幾特別，不過冇乜菜味，所以叫羽衣甘藍嚟火鍋，呢個又係第一次咁食法。成餐食完最記得係一夜雞泡魚乾，好入味！食到最後，同學話沙嗲湯底越食越鹹，佢地都過咗嚟食牛骨湯底清清地。