半點心茶座 (已結業)

如果唔參加試食團都唔知旺角有間專食點心的專門店，舖位雖然不大 ，但傢俬充滿中式風格，木枱木椅極有特色，還看到有外國人士幫襯，應該都有不少遊客光顧。點心全部即叫即蒸，所以等候時間較耐，需要改善，點心份量方面不算大，蝦腸的腸身幾滑，但蝦的的味道還需要改善，要夠新鮮才可。而最驚喜的是牛肉球，有「澳洲牛肉球」、「巴西牛肉球」和「芝心牛肉球」，老老實實，我真係唔識分澳洲和巴西有乜分別？！ 但芝心牛肉球真係好食！牛肉底部已經有一層溶化了的芝士，已夠吸引，咬落去仲有芝士流心流出來，口感特別但唔怕「溜」，要襯熱食先夠正！其他點心如果份量大些少，會較合性價比。