影片
更多
2022-10-28
96 瀏覽
話說好耐冇見，成班朋友一齊出嚟食飯， 原先諗住近近哋去返新界。點知班為食怪仲話去到土瓜灣咁遠食個火鍋， 但係估唔到火鍋都竟然有驚喜。兩鋪中間職人招牌下嘅一條小樓梯， 標準嘅餐飲食店開場格局。一上樓梯， 竟然就已經有個小小嘅驚喜， 樓梯嘅右邊近牆位置， 竟然好有心思咁擺放咗一排酒樽， 唔同嘅顏色嘅酒樽用深淺鱗次整齊排列，非常養眼。 望住呢排我明明唔識， 但係又覺得好熟嘅日文字， 我就知道點解排為食人士會揀呢一度。入場掃碼，俾碼掃。 標準程序。一番寒暄， 進入正戲。 先上嚟嘅係一煲杏汁白肺湯， 醇白湯底好濃厚， 料亦都好足， 你一碗我一碗爭啲唔記得咗自己嚟打邊爐。再嚟就係邊爐三寶（ 墨丸，牛肉， 珊瑚蚌）--- ＜輕力啲插， 最多我加一個自以為＞。再嚟嘅牛肉好新鮮，食入去有一種肉脂均夾嘅彈牙同爽脆汁感， 珊瑚蚌亦都好爽脆。 當然啦其實我都想再形容下啲牛肉同珊瑚蚌係有幾咁新鮮， 不過我淨係食得一兩舊之後都畀人搶曬我冇理由好假咁整兩句牛肉有牛味、 珊瑚蚌有珊瑚味。當然啦除咗呢幾樣邊爐料， 壽司、刺身都必不可少。比較驚喜嘅係仲有鵝肝同磯燒鮑魚， 算係比較少中價火鍋店可以直接食到嘅嘢。當然啦望住佢
兩鋪中間職人招牌下嘅一條小樓梯， 標準嘅餐飲食店開場格局。
一上樓梯， 竟然就已經有個小小嘅驚喜， 樓梯嘅右邊近牆位置， 竟然好有心思咁擺放咗一排酒樽， 唔同嘅顏色嘅酒樽用深淺鱗次整齊排列，非常養眼。 望住呢排我明明唔識， 但係又覺得好熟嘅日文字， 我就知道點解排為食人士會揀呢一度。
入場掃碼，俾碼掃。 標準程序。
一番寒暄， 進入正戲。
先上嚟嘅係一煲杏汁白肺湯， 醇白湯底好濃厚， 料亦都好足， 你一碗我一碗爭啲唔記得咗自己嚟打邊爐。
再嚟就係邊爐三寶（ 墨丸，牛肉， 珊瑚蚌）--- ＜輕力啲插， 最多我加一個自以為＞。
再嚟嘅牛肉好新鮮，食入去有一種肉脂均夾嘅彈牙同爽脆汁感， 珊瑚蚌亦都好爽脆。 當然啦其實我都想再形容下啲牛肉同珊瑚蚌係有幾咁新鮮， 不過我淨係食得一兩舊之後都畀人搶曬我冇理由好假咁整兩句牛肉有牛味、 珊瑚蚌有珊瑚味。
當然啦除咗呢幾樣邊爐料， 壽司、刺身都必不可少。
比較驚喜嘅係仲有鵝肝同磯燒鮑魚， 算係比較少中價火鍋店可以直接食到嘅嘢。
當然啦望住佢哋前面擺放嘅清酒鮑魚我更加明白到點解會係芸芸火鍋店中選中呢一間
飯飽酒醉。 匆匆留影幾張。
會唔會再幫襯， 當然會。 畢竟嚟之前心心念念嘅邊爐三寶滋味我都未認真品嚐， 周圍嘅環境同埋 服務態度都未認真享受。
但係你問我會唔會同佢哋再嚟…… 可能又係另一次嘅文章。
＜ 題外話，原來食評要夠80字先可以上傳 ， 不知不覺又寫多咗幾隻字 ＞
張貼
