相馬日式火鍋 觀塘 (已結業)

已經停咗好耐唔好再食啲咁Heavy嘅嘢啦，自從我愛上咗做瑜伽之後就真係想keep fit🤣但係唔知點解今日特別想去打邊爐🥲所以偷偷瞞住老公同左弟婦一齊去食🤣服務態度🧡去到嘅時候，店員好好，幾細心咁同我地講啲調味料係邊，自選台可以用邊啲夾去夾嘢食😆客人有咩需要佢哋都會即時提出協助👍🏻仲要保持笑容❤️環境衛生情況🧡環境都好整潔，完全唔會好污糟，地下唔會油淋淋😌打邊爐最緊要係個地方乾淨企理。我見有少少污糟職員就會即刻去抹下，同埋去做返清潔🧹疫情之下呢啲真係好重要‼️食物方面🧡我同弟婦兩個都係叫咗甜豉油湯底，心諗清啲就最啱我哋😆我哋兩個都叫咗牛肩肉💁🏻‍♀️真係超級新鮮，肉類嘅顏色，唔會有放得耐出現嘅深血色，同埋唔會有血水。肉嘅鮮加埋湯底嘅清甜，真係好正😎