牛石料理 (已結業)

九龍城，出名就係多泰國餐廳。朋友聽到我講去九龍城都以為我去食泰國嘢。但今次我係去食日本野!!!!!!鋪頭就喺福佬村道，門口大大個牛石料理牌加一個大魚缸，入面有好多新鮮嘅食材。一入到去比我嘅感覺就好似去咗日本嘅居酒屋咁，採用日本畫同埋簡單嘅裝飾。座位大多卡位形式，同朋友屋企人黎食飯嘅話，令人感到舒適及有私人空間。依間餐廳重點食物火山石烤肉，喺度食牛係必須的。餐廳採用石黎燒肉，對人體無毒無害，顧名思義我哋可以係度食得放心同安心啦！燒烤爐旁邊有海鹽黑椒同三款醬汁可以點肉食。我同朋友叫咗一碗鱈場蟹丼及牛石精選盛合。開始店員黎左一碗鱈場蟹丼，一上到枱即刻流哂口水。佢係採用原隻鱈場蟹拆肉，再將蟹肉、蟹膏同蟹籽混埋一齊食。每一啖都食到蟹肉，好好食之餘，蟹肉非常鮮甜！配上蟹籽口感更加一流！最後終於嚟咗主菜啦！就係牛石精選盛合，牛方面包括日本佐賀和牛、澳洲霜降和牛、極上牛舌、牛小排、牛肉粒。還有熊本白豚西冷、白豚腩、鹿兒島健康咲雞。店員好細心，將每一款牛前面放上名牌，令客人知道佢係食緊邊一款牛。我認為最好食當然係日本佐賀和牛啦，牛味十分濃郁，而且牛肉脂肪平均，細細一塊入口即溶。燒烤時間都好重要，否則牛肉