影片
更多
2007-05-27
19 瀏覽
今日去左新舖食晏, 點左牛油雞翼同豬手(牛腩)檬!我點豬手(牛腩)檬既時候都唔知豬手檬原來有埋牛腩, 差D以為阿姐比錯, 叫左個似係高級少少既阿姐, 個阿姐好似理直氣壯咁話豬手檬係有牛腩既, 我點知喎! 佢可能覺得益左我, 但我未必想食牛腩架喎! 點解阿姐講到好似我唔知有錯咁架?! Main point係我唔知問一問, 阿姐既態度可唔可以好D呢?! 味道方面, 豬手唔夠入味, 檬都OK啦!至於個牛油雞翼... 真係好無奈! 以前係燕萍個牛油雞翼真係好好味, 又大隻! 所以先成日幫襯! 諗住兩間merge左都應該唔會有乜野改變, 點知個牛油雞翼o黎到, 竟然見到兩隻細雞翼同兩隻雞膇! 嘩! 唔係卦?! 我唔係叫牛油雞翼既咩?! 做乜事變左雞膇既?! 以前燕萍明明係四隻大大隻既雞翼架嘛!! 係詢問阿姐有關豬手檬既同時, 順便向阿姐反映埋意見, 我唔係叫佢換, 純粹係想比比意見! 我同阿姐講"以前D牛油雞翼四隻都係雞翼架喎!"但阿姐好大反應咁話"清亭以前都係兩隻雞翼加兩隻雞膇架! 合併左之後會跟清亭做法, 以後都唔會跟返燕萍"! 我只係站在個客既角度覺得咁樣會好D, 比D意見! 如果你覺得可
我點豬手(牛腩)檬既時候都唔知豬手檬原來有埋牛腩, 差D以為阿姐比錯, 叫左個似係高級少少既阿姐, 個阿姐好似理直氣壯咁話豬手檬係有牛腩既, 我點知喎! 佢可能覺得益左我, 但我未必想食牛腩架喎! 點解阿姐講到好似我唔知有錯咁架?! Main point係我唔知問一問, 阿姐既態度可唔可以好D呢?! 味道方面, 豬手唔夠入味, 檬都OK啦!
至於個牛油雞翼... 真係好無奈! 以前係燕萍個牛油雞翼真係好好味, 又大隻! 所以先成日幫襯! 諗住兩間merge左都應該唔會有乜野改變, 點知個牛油雞翼o黎到, 竟然見到兩隻細雞翼同兩隻雞膇! 嘩! 唔係卦?! 我唔係叫牛油雞翼既咩?! 做乜事變左雞膇既?! 以前燕萍明明係四隻大大隻既雞翼架嘛!! 係詢問阿姐有關豬手檬既同時, 順便向阿姐反映埋意見, 我唔係叫佢換, 純粹係想比比意見! 我同阿姐講"以前D牛油雞翼四隻都係雞翼架喎!"但阿姐好大反應咁話"清亭以前都係兩隻雞翼加兩隻雞膇架! 合併左之後會跟清亭做法, 以後都唔會跟返燕萍"! 我只係站在個客既角度覺得咁樣會好D, 比D意見! 如果你覺得可以令客人滿意D, 多D黎幫襯, 個客又食得開心D, 你又賺多D, 一定便宜兩家著! 咁咪仲好! 但係... 阿姐咁既態度, 我同男朋友都決定唔會再去幫襯啦!
另外聽到隔離枱叫左個雞飯, 吹左好多次都冇乜下聞, 我地差唔多食完佢地個雞飯先o黎, 聽到佢地都有少少怨言!
後來, 同左男朋友去City Chain買左兩隻錶, 個Sales既態度同阿姐既態度真係差天共地! 概嘆... 服務態度真係好重要! 如果可以, 希望阿姐可以抽空睇下劉華個廣告!
張貼