MORE YOGURT

營業中

休息中

早兩日去咗銅鑼灣，行經一間茶飲店，主打乳酪奶昔，見好多人排隊，所以就行埋去睇下。店入面放咗好多唔同種類嘅水果，而最多係牛油果，全部都係用平時超市見到嘅Mr Right熟成牛油果，唔怪之得個個都飲牛油果乳酪奶昔。我同朋友都叫咗一杯試下，仲試咗款榴槤乳酪奶昔。⭐原創牛油果乳酪奶昔賣相非常吸引，面頭放咗差唔多半個牛油果。味道方面，初頭飲落似平時飲開嘅牛油果奶昔，但試真啲的確有啲淡淡嘅乳酪酸味，幾特別！⭐D24榴槤乳酪奶昔見到D24個名，當然要試下，呢杯完全冇令我失望。面頭放咗少少D24榴槤蓉，可以撈埋個乳酪奶昔一齊飲或者就咁食，而乳酪奶昔味道有啲似Ikea榴槤雪糕，但就有啲沙冰感，即使慢慢飲，溶咗啲都一樣咁好味，鍾意食榴槤嘅人一定要試下。