富士山55 (拉麵沾麵專門店) (已結業)

今日四點左右經過拉麵店， 見到唔洗等位， 就萌生起食海膽沾麵o既念頭， 平時要等位，又或者會沽清。$188 海膽沾麵海膽份量絕對對得住個價錢，海膽味道唔算太濃， 但口感好滑， 配上極濃o既沾麵湯汁沾麵湯汁食到尾加番上湯， 加少許黑椒，都非常過癮。我地兩個人冇刻意慳住d海膽， 但都剩番好多海膽， 於是追加芝士食不過我地就略嫌芝士太多， 蓋過哂d海膽味同質感。