新麻蒲 BBQ (波斯富街) (已結業)

A姐話食牛對皮膚唔好，所以佢成日都話，既然破介，就要食最好，就算唔係最好都要係第二好，咁先唔會嘥quota喎！所以今日經過銅鑼灣見到新麻蒲有濟州島直送嘅頂級1++韓牛，咁矜貴嘅就最襯A姐啦。頂級1++韓牛韓牛同和牛都一樣有分級數，由1++、1+、1、2、3級，最好味最矜貴當然係1++韓牛啦，視乎油脂比例等級相對越高。韓牛唔似和牛咁入口即溶，但牛味相對更香濃，簡單燒兩燒已經又香又多汁，油膩感較輕，嫩滑易溶化，口感軟腍。牛胸肉大醬湯大醬湯都算係韓國嘅代表食物之一，呢個大醬湯加入咗牛胸肉，令湯底更加濃郁，夠晒香，而大醬同調味料都啱啱好，唔會太鹹。加埋白飯真係好滿足。