i kitchen (已結業)

之前食過I kitchen ,非常欣賞餐廳的環境同座位，夠晒舒適，尤其是今日食6:00 ，好多人都未放工，看了餐牌後，叫了個main course ,再upgrade 做套餐，加 $38, 連湯及餐飲。 先來餐湯，法國餐擺盤，有條長麵包條配上牛肝菌磨菇攪碎的忌廉湯, 口感夠滑。主菜叫了鵝肝伴紐西蘭牛柳配燒汁：  鵝肝煎香，鵝油味濃， 紐西蘭牛柳有兩塊，肉質有嚼口，五成熟剛好，牛味突出，伴碟有三隻顏色，又睇得，又點得。飲品叫了熱朱古力，好驚喜，有三粒花形棉花糖，多了份喜悅感。