扒王之王

重開嚟試下，午餐時間無需等位，座位都好多，環境裝修幾好

叫咗鐵板牛柳七成熟，但運送過程用金屬蓋焗住，上枱時已完全過熟，趕時間所以夾硬食算數，都幾失望，隔離枱五成熟一樣情況，客人要求更換，職員都有換俾佢

湯係自助形式任飲，雖然有2大窩，但只有1款湯選擇，任飲都估到質素唔會太好，點知飲咗幾啖已經唔想飲，希望好似旺角分店咁樣，1人1碗細細碗但質素高會更好

哩個質素真係唔想再幫襯，去番旺角分店好過，雖然旺角職員已經有去荃灣分店幫手，但真係要提高食物質素先可以留住客人