Diletto (已結業)

今日同朋友去尖沙咀行街，順道試一試呢間朋友推薦的餐廳。環境好靚呀，暗暗地，靜靜地好有情調。我地睇完餐牌，點了"Omaha Prime Grade Beef Rib Eye Steak"和"USDA Kurouta Pork Rack"。店員先上咗餐包，烘得好好，外脆內軟。Rib Eye肉眼扒好快就上，我點咗5成熟，原碟附上3重調味料，有燒汁，芥辣同埋鹽。牛扒落刀時好有驚喜，嫰到不得了，一切就開，伴隨住流出嘅肉汁，已經急不及待想放入口。入口一咬，好軟熟，肉汁鮮味到不得了。伴碟還有連皮焗薯，蕃茄仔和沙律菜，食完唔夠喉，好味過好多餐廳。USDA Kurouta Pork Rack可能係厚切豬扒關係，需等約20分鐘(餐牌有寫明的)，上菜同樣伴有3種調味，燒汁，芥末同比較特別的覆盆子汁。豬扒果然夠厚，但落刀竟然軟到不得了，入口咬時沒有一般豬扒硬同「鞋」的感覺，而且肉汁依然豐富，加上酸甜的覆盆子汁非常之夾，最鍾意連左少少豬皮個個邊位，爽爽脆脆，又香口。本人極之推介呢間餐廳，環境氣氛，食物質素都係上上之選呢！下次帶多幾個朋友一齊嚟，可以試埋其它食物。