炸雞OK幾好食 嫩滑的 純粹少貴$32得5塊唔算大
跟住塊牛扒...
上到嚟以$76算大算厚 食落去味道👍🏻 而且嫩 多汁
但係我咬完望一望 中間似乎係完全唔熟？
然後我睇係咪成塊扒都係咁 切開果然係成塊1成熟
雖然我接受到牛扒生生地 但係明顯中間大部份血紅色...
好食還好食 始終安全起見我叫廚房返兜
然後uh 過多陣上嚟嘅係另一塊 細啲+薄啲+無咁靚嘅扒
切開 well全熟 乾曬 無乜汁
有啲極端 一係就1成熟 一係就全熟
可能控制火候方面有待進步？
食物大致不錯 以後會再嚟食 但唔太推薦叫牛扒
