Ollies (已結業)

夏日炎炎，同幾個朋友黎高街呢間西餐食飯。門口好熱，驚入面都無乜冷氣要熱住食，但其實入面都ok。lunch time唔洗等位，直接有得坐。樓底高，環境算舒適，適而傾計。不過侍應得1個，佢就好忙。高街既西餐預左過100蚊，menu都唔多野揀，前菜／主菜都係得三樣揀。咁我就叫左湯+牛扒+brownie+ice tea.Ice tea就係普通檸茶，自己加糖漿，好普通，無乜特別。湯就幾潔幾creamy，好唔好飲見仁見智。個人覺得中上。麵包就好硬，唔好食，食唔晒。牛扒比想像中好，雖然我叫medium rare佢錯送左個medium，但食落都唔會話太熟。牛味好香，咬落都多汁，唔會有好多筋。薯仔都比想像中好食。仲有幾串金菇，味道唔錯。最後上左個甜品brownie，較硬身，用匙巾都要比d力先切到。都夠甜。而且成餐份量唔會話太多太少，食埋個甜品岩岩好。整體而言，環境都食物質素唔錯，價錢都合理，埋單＄130食到full course算係咁。相比起同區既西餐例如tuckshop（詳見本人食評），＄130都未必食得飽。