Lucky Smash (已結業)

在牛年係「行運漢堡Lucky Smash」買漢堡食，今年行運有我份😝！ 店舖面積不算大，做外賣啱啱好，全力集中做漢堡，薯條和熱狗，款式勝在貴精不貴多。 抬頭望餐牌有套餐三款揀，每個餐都包括漢堡包，薯條及汽水，漢堡包分別有雙層芝士牛肉，芝士牛肉及牛肉三款可揀。另外，單買漢堡都可以，如果買任何漢堡或餐再加($10)就有大大個熱狗，如果單買($18)， 識計數嘅你一定識揀😏。 用上紅色紙包著食物，一見就感覺「 喜氣洋洋」開心氣氛🥳🥳🥳。 我食了雙層芝士牛肉漢堡一口咬落，鬆軟麵包， 牛味濃，芝士融化醬汁多，蕃茄生菜，感覺澎湃，味道極豐富👍！ 薯條係薯仔連皮切條炸成， 炸好後即熱辣辣包裝， 提提大家最好揭開少少包裝散熱， 避免有蒸氣弄濕薯條，回家食落更脆口，味道少鹽更健康。