牛川日本和牛專門店 (已結業)

冬天唔係打邊爐就係燒肉，吸收多啲脂肪先保到暖嘛。坐低無耐侍應就送上和牛天梯、海鮮同埋前菜，未落單叫嘢食將枱已經full咗大半，非常豐富。𖦹 120分鐘尊貴A5日本和牛放題 $458牛天梯上每款牛肉都會標明部位，包括：有A5熊本黑毛和牛嘅牛肩胛、牛頸脊、牛五花、稀有汁燒千本筋；A5牛匠岩手黑毛和牛嘅牛小排、牛冧；A4熊本黑毛和牛嘅牛肩梅花同埋A4牛匠岩手黑毛和牛嘅後腰肉。和牛嘅油脂分佈細緻，牛味濃郁，最推薦秘製慢煮牛脷！海鮮拼盤有甲羅燒、鮮甜嘅生蠔、大粒飽滿嘅帶子以及爽口彈牙嘅大蝦，燒五分鐘就食得，店員仲會幫手開蠔。甲羅燒配上脆口嘅多士同吃，蟹味爆發，encore之選。其他必食嘅包括開胃清新嘅燒牛柳沙律；以雞髀肉、雞皮同雞軟骨手工制作而成、口感滿分嘅手工月見燒烏串、勁香嘅黑松露牛油金菇同埋肉汁滿滿嘅熊本黑毛和牛漢堡。最驚喜嘅係刺身同壽司，食燒肉放題本來對呢啲配角期望不大，點知各款刺身厚切鮮甜，出色。飲品放喺雪櫃自取，亦有唔凍嘅可以拎，最後記得食埋movenpick雪糕先閃人呀（我哋太飽兼唔記得咗嗌就last order咗hahahah)。