老虎岩餐室 (已結業)

今日收工想食個快飯再去做gym，為免食得太飽都係食得輕盈少少為妙。經過油麻地站附近見到呢件貌似茶餐廳，但專賣牛腩嘅鋪頭。鑑於我無牛不歡，所以試一試先！呢度嘅牛腩都有好多款式，亦有分新鮮牛腩、冰鮮牛腩等等。而且每種牛腩都可以好似車仔麵咁樣配搭，多左好多選擇。鑑於我都係隨便食少少野，唔太花巧，叫個新鮮牛腩河就好了。呢度嘅河粉係用幼身似越式嘅河粉，食落無咁漿口，配埋新鮮牛腩，的確唔錯！另外見到呢度有牛腩治，不過見闊肚窄，都係下次先試！