牛大人台灣火鍋吃到飽 (加拿芬廣場)

營業中

休息中

之前疫情成日都約唔到時間，今次終於可以聚一聚喇😍嚟牛大人呢度聚餐，有成120分鐘，啱晒我哋可以慢慢嘆、慢慢傾偈💬一入座店員已經幫我哋擺好餐具，order完湯底，送上和牛丸，趁滾緊嘅moment，我哋就已經出去自助區，攞飲品同埋蔬菜，仲有各款丸類、魷魚、牛柏葉等，食幾多夾幾多，全部都好新鮮，唔會話出晒水。食物方面我哋幾個食肉獸就主打澳洲和牛片和西班牙豬梅片，和牛片雪花均勻，勁香油脂。豬梅片就比較有咬感，無筋，好滑溜🙌🏻仲有海蝦、脆鯇魚腩，都好值得再encore架！特別一提，呢度嘅手工餃都唔錯，由店家新鮮製造，餃子皮爽滑，餡料紮實，好吸湯，入口甘甘地有鮮味，唔使點醬汁都已夠味👍🏻推介！