爆爆鍋 (已結業)

呢間喺銅鑼灣嘅一人火鍋係牛大人旗下嘅，質素就一定有保證🫡佢哋有好多款湯底同埋主餐可以自己mix and match，仲有台式小食可以加配，感覺幾特別😆主餐🐮安格斯牛小排🐮SRF極黑牛前肩肉我哋揀咗兩款牛肉試吓，兩款牛肉都幾高質，牛小排肉質就會比較腍，油脂感重啲，而牛前肩肉就比較瘦，兩款牛味都好香濃🐮湯底🦐爆炒櫻花蝦鮮鍋店員會喺你面前爆炒鍋底嘅材料，然後會加上一塊牛肉一齊炒，之後加入昆布湯，飲落味道清甜🐓剝皮辣椒烏雞鍋呢個湯底飲落好香，而且辣辣地，雞湯飲落都好清甜😋套餐亦都會跟埋火鍋配料，有響鈴、蟹柳、蔬菜、豆腐、丸類等等，仲可以揀一款主食，有白飯米粉同埋寬粉🍙小食🐥懷念鹽酥雞🐙夜市炸魷魚兩款都係台灣特色夜市小食，鹽酥雞炸得香脆肉質嫩滑，夜市魷魚食落惹味，有啲避風塘嘅味道👅飲品🧋黑糖虎紋鮮奶香滑嘅鮮奶加上濃郁嘅黑糖，係經典嘅味道🤩加配🥚招牌麻油炸蛋呢個炸蛋幾特別，係一隻炸咗嘅糖心蛋，要放入鍋度淥下佢，依然keep到蛋黃流心🍳🍢手工松露海鮮丸彈牙嘅海鮮丸配上松露嘅香味，味道唔錯🤤最後仲有雪條附送作為甜品🍦