饕牛記 (已結業)

好牛的朋友有福了，因為饕牛已經喺旺角開咗喇！！火鍋食牛，唔再係選擇美國、澳洲或本地肥牛，而係俾你選擇要牛的那部份。仲有，餐廳教埋你每一位置的涮牛時間，未食，單睇餐紙，已經流晒口水喇。食火鍋，醬料區都好重要，呢度，真係好有。原味牛坑腩湯鍋，剛坐下，店員就介紹我們呢度牛坑腩湯底，由於每日限量三份，冇睇錯，係三份，所以早到早享受。因為限量，所以冇寫在餐紙上，而每鍋是188。坑腩的份量也不少，一鍋都有十舊以上，仲要舊舊有份量，呢啲享受，真係唔係人人可擁有的。脖仁、匙仁，為咗最快可體驗呢次牛專之旅，我們就選了較高級的脖仁和中下的匙仁，好讓我們這些扮專家扮吓嘢。匙仁入口已經很吸引，可是相對脖仁果啲牛味，真係有啲天堂和人間之別。所以，有時錢真係唔慳得的。牛筋丸，強烈推介必食之選，一口咬下，就諗起星爺用牛丸打乒乓球果一幕。