牛極 (庇利金街) (已結業)

牛極除咗牛之外，呢度仲有沙律、湯同飯任添，出邊有個自助區域，自己量力而為，唔好浪費就得。另外呢度都好貼心，會為你準備圍裙，如果驚自己整污糟件衫可以帶返一個以免肉汁會四淺。今日嘅湯係日式牛肉湯，用料豐盛，飲落去酸度適中，裏面仲有少少洋蔥添。而沙律係雜菜沙律，可以揀日式麻醬或者醋汁兩者都好有風味。筆者自己鍾意食牛柳多啲，牛柳比我嘅感覺係腍身而且易入口，唔會有肉纖維遺留喺牙齒之間。大概燒到七成熟，肉汁所僅在牛肉之間，咁樣嘅價錢真係好唔話得啊。依家開咗五間分店地理位置又夠方便，大家得閒就去下啦。