老掌櫃東北菜館 (海之戀商場)

營業中

休息中

今日Lunch Time食左個重型午餐，有幾重型？就係叫左一隻片皮鴨同埋紅炆豬手。聽講呢間京菜的片皮鴨好好食，所以訂位的時候已經預訂左一隻。上枱時鴨肉分兩碟，而京蔥絲青瓜絲同埋個片皮鴨甜醬都有兩份，疫情之下3個人要鈕分開兩枱就真係Fit晒。佢嘅片皮鴨比較瘦，真係無乜脂肪，雖然少左D油香，不過瘦D健康D都係一件好事，唔會食到一口油。佢用黎包片皮鴨的餅皮唔係平時成日食到的蒸包包皮，而係相對有彈性的餅皮，都幾薄嘅。個紅炆豬手反而就只屬一般，我嫌佢炆得未夠淋，如果再淋D會好食D。