尚座 (已結業)

整體餐廳感覺高雅中式餐廳 服務相當好，食物質毒整體不錯，但係吾算太出色 吾食吾得，片皮鴨係超回味。好適合帶長輩或者外國朋友去食，中上價位 容易book位 各方面都吾失禮。 當日嗌左二人午市套餐，我地覺得份量都啱啱好，送上嘅小菜都有驚喜 好好食，感受到餐廳嘅細心。不過就冇主食（飯or麵），如果澱粉質人士可能要另外加個主食。 片皮鴨：大推主角，擺盤精緻皮同鴨肉係分開上下放 食個陣可以一塊片一塊肉。個面皮好薄又吾會好易爛，仲有盤滾水座住 吾會感快凍。配料好齊全，有哈密瓜，蔥絲，青瓜，糖，片皮鴨醬，蒜蓉。傳統型：皮肉＋醬＋蔥＋青瓜清爽型：皮肉＋糖＋蔥＋哈密瓜大滿足：ALL IN 花膠雲吞鴨湯：湯底濃郁 有鮮味 但有少許味精味。鴨肉吾都係嫩嘅，雲吞穿左所以有d扣分 皮都係滑 厚薄適中，餡味道不錯，花膠就好麻麻 食落係脆嘅 好似鞋底。 小籠包：中上 好多湯汁 個餡就正正常常，皮係薄得黎吾易穿，都值得一試！鮮鮑海蜇頭：鮑魚新鮮彈牙，海蜇夠爽脆，配個醬汁好特別酸酸甜甜好開胃。 蟲草花炒翡翠苗：冇加太多調味食到菜原本嘅味道，新鮮爽脆，不過有啲太油。