川婆婆 (寶勒巷) (已結業)

今日同爸爸媽媽去咗尖沙咀行街，行到攰就搵咗間個樣好特別嘅餐廳食飯。原來係食邊爐同燒肉，咁我地一家都好耐冇食，就決定試下。爸爸好鍾意食牛肉，呢度嘅牛肉令到爸爸覺得非常之滋味，因為牛肉嘅肉香濃郁，屬於比較厚切，燒落都好好味，反而因為厚切令到牛肉嘅油脂全部迫晒出嚟💕每一啖都充滿牛味💕媽媽就好鍾意食邊爐，因為佢話邊爐個感覺冇咁熱氣，同埋佢比較鍾意食蔬菜，所以用邊爐你食蔬菜比較好，可以保持到蔬菜嘅爽脆，冇咁易流失水份。媽咪就好鍾意川婆婆蔬菜嘅種類好多，萵筍或者一啲比較少有嘅蔬菜譬如油麥菜，呢度都可以食到。每一種蔬菜都非常新鮮，青綠青綠，令人非常有食慾💕