富臨漁港囍臨門酒家 (已結業)

一到大時大節媽咪就好緊張, 因為我地永遠都係食中餐永遠都係唔book位既...於是6點就去左攞位, 啲員工先岩岩breifing完@@經理想sell我地$998雞鮑翅, 但梗係唔會咁蠢俾佢呃到啦!節日食套餐真係搵笨!所以散叫左6個送, 4個人乜都夠食啦!燒腩仔($48)-當餐前小食啦, 因為真係幾少@@ 皮都算脆既, 不過腩就太瘦同埋有啲乾。泰式炒通菜($68)-無莧菜, 所以連金銀蛋都唔嗌啦哈哈! 通菜幾爽口, 有少少辣幾惹味但唔會太咸, 仲有蝦乾添都算足料。花膠鵝掌冬菇煲($128)- 嘩有三隻鵝掌咁大把, 四個人唔夠分... 鵝掌都炆得幾淋, 花膠就cheap野啦無咩膠質, 冬菇都淋既不過唔夠入味囉...鐵板黑椒豬手($98)-真係鐵板上@@豬手都好大隻, 經理幫我地切埋, 又幾好人喎! 豬手好淋好滑, 不過食多兩舊就好膩啦!燒鵝例牌($98)-見到個樣就知係伏了... 好似燒燶左咁, 勁黑!無咩燒鵝味, 肉又唔滑皮又唔脆份量又少, 真係好差...薯仔牛柳粒($98)- 份量都可以既, 薯仔食落幾煙韌, 好似係炸過皮有少少脆, 牛粒好奇怪有啲好淋有啲好韌, 但都好味既整得幾入味。