極尚大喜屋 (加連威老道) (已結業)

上次係極尚吃後感: 一定要再來……所以藉住父親節，帶左爸爸同屋企人走左一轉極尚大喜屋。今次再幫襯極尚，食物質素保持到，服務都做到，收order紙快，野食來得都快。好好啊，個個屋企人都吃到捧住肚走。首先真係吾得吾贊下個刺身拼盤，佢地真係擺得好靚好有心思，有棵花襯托得好靚，好大體，侍應捧過來果時隔離好多人望住，爸爸笑得好開心，心想"爸爸虛榮心發作，嘻嘻"，不過今日甘既日子最緊要佢開心，屋企人淨係影相都影左差吾多10分鐘，靚到啊。。。仲有，啲壽司款式好多，同樣都係好靚，好欣賞佢地夠心思，全部整到細細粒既一口壽司，吃多幾款都吾怕太飽試吾到其他野。炸物，好新鮮好脆，去到一定要吃天婦羅啊。還有爸爸最愛，烤羊架，同埋咖哩蟹，爸爸話係呢啲種類既餐廳冇估到吃到呢啲質素既蟹，雖然細仔，但佢地既蟹真係新鮮鮮甜咖!當然吾少得本人必食推介露笋珊瑚蚌，我encore左3次! 露笋珊瑚蚌，必食必食。仲有我好仲意吃既焗元貝，酸酸甜甜，個味調得好好味，好開胃。最卑到屋企人最大驚喜既佢地既甜品! 有得吃馬卡龍，啊妹開心到傻左，同埋Haagen Dazs 雪糕，係果度吃到新既口味，係其他地方吃吾到咖，神啊!  叫做流心意大