更多
2017-06-18
1836 瀏覽
老豆節一定難搵位、錯呀。今曰5:30打個去book7:00, 有位喎。準時去到上樓上2樓、都唔滿,有大枱細枱,7成客満,但去到只能選套餐或指定餸菜,不過大時大節一定係咁㗎啦,老豆唔食得海鮮,所以都係散叫。小食燒腩仔:皮脆但極多肥肉、一般;荷葉飯:夠荷葉味、材料味道都恰到好處;素菜盆:一如往常、不過不失,呢個係我在美心成曰叫的、貪佢清清淡淡,又多蔬菜;鮑魚炆雞:鮑魚細細粒,好似有4粒仔、雞同乾葱最多、味道可以;砂碢龍躉扒,接近200元的一塊扒、加d燒肉豆腐咁囉、蠔油味道,都係一般啦(叫一條魚抵食d);栗米班塊、差小小咸味,扒細細塊有6件,啱啱好一人一件。最後一個花膠杏汁豬肺湯,每人有碗半左右,味道濃郁,湯渣足料。最後來了2⃣️個男仕甜品:芒果布甸及紅豆沙,正常。我地坐角落頭位,成地垃圾,清潔姐姐偷懶。
我地坐角落頭位,成地垃圾,清潔姐姐偷懶。
張貼