影片
更多
2021-06-24
2316 瀏覽
-🦄鮨美澄 @sushi.misumi-廚師發辦 舞 Hkd1380Rating🌕🌕🌕🌕🌑-@sushi.misumi 係近排元朗國新開嘅Omakase店佢哋開張咗無幾耐我就已經Bookmarked 好想去亦都係早一個月前 訂咗琴日父親節去食晚餐慶祝晚餐由19:15開始 師傅想等齊人先開始 所以遲咗少少 不過都無所謂 可以坐喺度慢慢欣賞師傅烹調食物今次Serve我哋嘅係日本🇯🇵師傅 中山師傅佢都識啲中文架 我都同佢傾咗兩句 用我啲廢廢日文希望佢唔好介意我講得咁難聽啦 不過佢好Nice的晚餐先嚟幾碟小砵及前菜 每一碟都好精緻♥️♦️日本味噌 七彩芝麻 里芋一開始就已經打開咗我嘅味蕾同埋回憶好記得之前去四國旅行嘅時候 我係咁食里芋而香港都好少可會搵到里芋 所以真係好懷念雖然配搭咗鹹甜嘅味噌醬 但係佢無蓋過里芋嘅味道芋頭味依然都係咁重咁濃郁 再加埋七彩繽紛嘅芝麻呢個配搭 作為小砵 的確是賞心又悅目 令人好開胃♦️自家製豆腐呢個豆腐本身係有個名架 但係我金魚腦忘記了😂豆腐係師傅自家製 唔係一般嘅豆腐 佢真係好好食平時我食開日本個啲絹豆腐 都覺得唔錯 幾好食呢個係再上一個層次 佢滑得嚟又唔會好散開豆味
🦄鮨美澄 @sushi.misumi
-
廚師發辦 舞 Hkd1380
Rating🌕🌕🌕🌕🌑
-
@sushi.misumi 係近排元朗國新開嘅Omakase店
佢哋開張咗無幾耐我就已經Bookmarked 好想去
亦都係早一個月前 訂咗琴日父親節去食晚餐慶祝
晚餐由19:15開始 師傅想等齊人先開始 所以遲咗少少 不過都無所謂 可以坐喺度慢慢欣賞師傅烹調食物
今次Serve我哋嘅係日本🇯🇵師傅 中山師傅
佢都識啲中文架 我都同佢傾咗兩句 用我啲廢廢日文
希望佢唔好介意我講得咁難聽啦 不過佢好Nice的
晚餐先嚟幾碟小砵及前菜 每一碟都好精緻♥️
♦️日本味噌 七彩芝麻 里芋
一開始就已經打開咗我嘅味蕾同埋回憶
好記得之前去四國旅行嘅時候 我係咁食里芋
而香港都好少可會搵到里芋 所以真係好懷念
雖然配搭咗鹹甜嘅味噌醬 但係佢無蓋過里芋嘅味道
芋頭味依然都係咁重咁濃郁 再加埋七彩繽紛嘅芝麻
呢個配搭 作為小砵 的確是賞心又悅目 令人好開胃
♦️自家製豆腐
呢個豆腐本身係有個名架 但係我金魚腦忘記了😂
豆腐係師傅自家製 唔係一般嘅豆腐 佢真係好好食
平時我食開日本個啲絹豆腐 都覺得唔錯 幾好食
呢個係再上一個層次 佢滑得嚟又唔會好散開
豆味香濃得嚟 又唔會只有豆味 味道上有層次變化
好難形容呢粒豆腐比大家知 要你哋食過先知😂
只係我食完之後個腦即刻叮咗一聲 然後講咗句好味
♦️水雲
水雲我見過又聽過 不過唔記得有冇食過
水雲屬於海藻類 口感黏黏嘅 酸酸甜甜咁
係比較清新又開胃嘅前菜 一啖飲完好開心
水雲表面上嘅黏液有豐富嘅褐藻素 可以抗菌
增強免疫力 而且又低卡路里 營養價值豐富
入口清爽 唔怕滑潺潺 真係飲多幾杯都唔怕
♦️松葉蟹肉x蟹膏
開始食吓呢啲味道濃郁嘅前菜喇 個蟹膏真係好邪惡
師傅仲比埋紫菜我哋自己夾埋一齊食 好正
紫菜仲要係即場燒過 唔係就咁拎出嚟食架
所以塊紫菜係暖暖哋嘅 然後蟹膏又好香口
每一啖都係滿滿嘅膽固醇 同時又有滿滿嘅幸福感
♦️真蠔
之後就開始到刺身嘅環節喇 首先出場就係呢粒真蠔
配搭呢個酸汁食係100%無得輸 雖然粒蠔唔係好大粒
一口食落個滿足感未到最大 不過佢嘅蠔味好夠重
仲有少少After Taste係我唔識點形容嘅
入口Creamy 一啖啪落口 陣蠔味仲要揮之不去
食到呢度其實已經好開心 好期待後面嘅每一道料理
♦️ 粒貝
個貝殼好靚好大 好想拎返屋企 聽海的聲音🤭
粒貝爽口彈牙 肉質纖細幼嫩 好易就咬得開
貝味唔算好重 不過帶有淡淡清甜味同埋鮮味
承接住上一道蟹肉蟹膏嘅前菜係好夾 味覺大轉變
師傅仲係個粒貝上面撒咗好多鹽 撒鹽個下好有型
本身諗住撒咗咁多鹽會好鹹 點知一啲鹹味都無
♦️鯖魚
平時我少食鯖魚 怕佢個種油膩口感 啖啖油
師傅有首先燒過啲鯖魚 所以做到表面焦香
而呢件鯖魚唔算好油膩 我完全可以接受到
油膩感都只係源於魚本身嘅油脂 反而幾好食
入口細嫩 好夠鮮味 夾埋紫菜食反而恰到好處
就算我平時麻麻哋鯖魚 都覺得呢件鯖魚唔錯
♦️平貝
我望住師傅切平貝 都真係好賞心悅目
一舊平貝本身好大好厚 只係將佢切開咗3份
口感上比起我最愛嘅帆立貝 會較為爽口
同時都好夠鮮甜 嫩得嚟又帶點咬口 唔錯
不過我自己都係私心最愛北海道珍寶帆立貝
♦️魚湯
食壽司前師傅就會比碗熱辣辣嘅白身魚湯我哋
轉一轉換口味 又可以清一清食完刺身嘅味蕾
準備食壽司 碗湯入口好舒服 顏色呈微微奶白色
湯中間仲有一大舊魚肉 而唔係普通清魚湯
亦都會飲到魚嘅鮮味同埋魚嘅油脂感 好好飲
♦️蟹仔
呢粒蟹仔由一開始已經坐咗喺度 真係好搞笑
師傅話擺喺度一齊影相會靚啲 其實係可以食用嘅
我食到尾聲嘅時候 都忍唔住要食咗粒蟹仔
我本身都唔明 呢啲蟹仔有咩好食 又無蟹肉
但係而家明白了 粒蟹仔真係好好味 脆卜卜
食落除咗個蟹殼 好似仲有啲類似蟹膏嘅物體
真心好好食 不過要小心 因為佢啲腳會𠝹到個口
♦️漬物前菜
壽司前嘅漬物前菜 唔係只有薑同埋白蘿蔔
仲有洋蔥 青瓜同埋山藥 全部都係我嘅最愛
薑一啲都唔辣 唔係平時食開一片片 係三角形嘅
洋蔥又係好爽口好夠甜 基本上全部都好好食
♦️赤鯥
我諗而家應該係赤鯥嘅當造季節 呢排都食多咗
我想講赤鯥真係好好食 今次係我第三次食赤鯥
要食到高質素嘅赤鯥都唔易架 不過呢度就有喇
望住師傅搵火槍燒佢嘅時候 真係口水都流哂出嚟
哇 啲魚油 啲脂肪 究竟係幾咁肥美 入口即溶
肉質嫩滑 軟綿綿咁 呢種油脂感真係好幸福
♦️小川のうに
一盒海膽排到整整齊齊咁 真係好吸引呀 強迫症…😂
來自北海道浜中小川海膽 師傅真係一啲都唔孤寒
個個客人佢都比好多好多 唔係幾塊敷衍你就算架
真係一排一排咁比 多到一塊紫菜都差啲包唔住
入口好鮮甜 色澤金黃又飽滿 無咩可以挑剔嘅地方
♦️シマアジ
我無估錯嘅話 第六張相應該係シマアジ…掛 唔知呢
當日師傅好似有輕輕講過個名 但我就唔係好聽到
其實本身係無呢款壽司架 事關我就唔食拖羅嘅
有事先同師傅交代聲 話我自己唔食拖羅 我好麻煩😂
不過師傅唔記得咗 於是乎我就用廢廢嘅日文…
同師傅講返聲 其實我都真係勁唔好意思呀opps
最後師傅就整咗呢款壽司比我 都真係幾好食架
本身自己都鍾意食シマアジ 入口即溶 油脂剛剛好
而多咗出嚟個件大拖羅 就益咗我爸 佢可以食兩件
♦️大拖羅
雖然我無食到 不過睇佢個樣都知道好正啦
師傅搵火槍燒咗好耐架 啲魚油反哂光 無得輸
基本上 佢就係一件入口即溶嘅大肥腩大脂肪HaHa
♦️右口魚
市面上較少機會食到嘅右口魚 呢度都可以食到
右口魚比較稀少 食落口唔油膩 比較上清淡一啲
肉質十分之嫩滑 而且鮮味十足 好有驚喜 好食😋
♦️活北寄貝
新鮮嘅北寄貝 食嘅前幾秒佢仲郁緊收縮緊
唔係平時食開個啲紅色橡膠 紫黑色真係好靚
入口十分之鮮嫩 爽口彈牙 味道鮮甜 唔錯
♦️牡丹蝦
不得不說嘅係佢面頭嘅牡丹蝦蝦膏好加分
因為真係會香口多 同時都邪惡好多HaHa
本身牡丹蝦無咩罪惡感 蝦肉好嫩好滑
蝦味十足 加埋蝦膏之後 層次又提升咗
♦️白蝦
本身我仲諗住個塊紫蘇葉係可以一同食用架
點知佢只係For打卡用 最後師傅會收返塊葉
因為我自己好鍾意食紫蘇葉 好奇怪嘅口味呢
本身白蝦體型好細隻 要好多隻白蝦先整到一件壽司
體型只有5-8厘米 所以特別矜貴 仲係全人手剝
白蝦雖然好細隻 但係蝦肉好嫩又鮮甜 好味
♦️赤貝
到咗最後嘅赤貝壽司 排最後唔代表佢唔好食
只係 佢係最好嘅入面排最後 好爽口好鮮甜
不過就無咩太大特別 當然同出面嘅無法相比啦
款款壽司都係咁好食 質素好平均 無話有邊款唔好食
而赤鯥真係最有驚喜 令我印象最深刻嘅一款
食完咁多件壽司都已經70%飽 不過之後陸續有嚟
♦️布甸玉子燒
圖一就係傳說中嘅布甸玉子燒 真係好好食
如果可以 我好想就咁買佢返屋企食 可唔可以呀嗚
本身舊玉子燒好動L好有彈性 呈金黃色 靚爆鏡
師傅仲話佢入面有少少海鮮嘅成份 唔係得雞蛋
不過我完全食唔出 只係食到滑溜布甸嘅味道
就係咁先犀利 佢同布甸一樣無分別 超好食
唔明點解可以咁好味架 唔講仲以為佢係甜品
我可以講話 佢係全餐飯入面最有驚喜嘅料理
♦️法國龍蝦
食緊玉子燒嘅時候 師傅們已經默默地煎緊龍蝦
每份龍蝦其實都幾大隻 所以舊肉都好大份
龍蝦來自法國🇫🇷龍蝦肉爽口彈牙 好好咬
師傅用牛油輕煎過 唔會過分油膩 恰到好處
再加埋龍蝦膏真係瘋了 呢餐飯食咗好多膏 肥死了
呢碟龍蝦真係好香又好鮮 同時又有少少邪惡
♦️燒榮螺
其實本身我好似無份架 不過師傅話送比我食
我心中都樂透了開了花 倒咗啲酒再搵火燒
所以每隻榮螺都著哂火 場面十分之墟冚
燒咗一陣 榮螺熟咗就可以食 味道甘苦 有咬口
之後師傅仲將佢啲精華倒出嚟 一人一杯飲咗佢
聽說係對腸胃好 幫助消化嘅 飲落都幾好味 好鮮
♦️茶碗蒸し
去到差唔多節目嘅尾聲 師傅送上我哋茶碗蒸し
好多時啲Omakase都係一開始就會有得食
呢度就最後先食 作為甜品前嘅一個小總結
其實都唔錯 食到最後有杯暖笠笠嘅蒸蛋
可以暖吓個胃 茶碗蒸し唔係水汪汪咁 我鍾意
入面都幾足料架 記得有粒帆立貝 蛋又滑捋捋
♦️蜜瓜
甜品當然唔少得而家當造嘅蜜瓜啦 唔多講了
多汁 好甜 作為甜品嚟講根本無得輸 好食
基本上食蜜瓜仲好過食好多款甜品 無法比較
只係一片真係完全唔夠喉 平時自己又唔捨得買
♦️西瓜果凍
無諗到蜜瓜之後仲有驚喜 壓軸出場嘅果凍
呢個絕對係心機嘢 唔係普通可以整到嘅啫喱
當然底層係西瓜啦 有西瓜皮同埋新鮮果肉
而啫喱中仲加入咗其他水果 例如係橙 好多層次
食落唔係好甜 啫喱口感好彈 晶凝通透 好正
當晚仲咁啱撞正有客人生日 大家一齊唱生日歌
仲有生日蛋糕食 不過因為太飽嘅緣故
就無食到件生日蛋糕 唔係真係罪過呀罪過
全餐飯都無啲咩可以挑剔嘅地方 質素好平均
師傅們都好健談好友善 環境舒服 都幾好呀
我自己都幾推薦 @sushi.misumi 果然我無簡錯
又或者 我見午市都幾抵食咁 係會食到你好飽
寫到最後一日終於寫完啦 希望燒到大家嘅食慾
-
張貼
