澄壽司 (已結業)

• 20 Courses Dinner Omakase🍣•-20個courses包括左一個前菜，八款刺身，兩道煮物，七件壽司，湯同甜品💓順序介紹前菜有鱈魚白子，好滑溜creamy，配上酸汁味道好夾。然後刺身有蜜甘鯛配上酸汁加橄欖油，有提鮮效果；另外有小長井生蠔、海膽帶子天婦羅配白蝦紫蘇花、炙燒/刺身深海池魚、石湖貝、大拖羅同鮑魚。鮑魚會配上新鮮既鮑魚肝汁，甘甜味美🐟煮物分別有炸蝦餅同白甘鯛，蝦餅裡面有彈牙既蝦粒，加雜菇同葱，好香脆可口。白甘鯛炸到魚鱗豎起，配上底下嫩滑既魚肉食，口感好豐富🦐最後壽司有赤貝、北寄貝、拖羅、鯖魚，炙燒左口魚邊、銀雪魚配黑松露同極上海膽。當中比較少見既銀雪魚壽司魚脂好香，左口魚邊亦依然係我一大最愛，魚油跟壽司米飯入到口之後融為一體，食得好滿足🤤餐廳其實食物質素同店鋪裝潢都好好，但唯一比我感覺差既就係佢個廁所係男女共用，而且入面完全同岀面既裝潢係兩個世界咁，轉眼變左公廁，仲有些少味道添，係呢個位對呢間餐廳扣左少少分🥴