茶湯會 (環球大廈) (已結業)

茶湯會既珍奶🧋一向都係唔少人心目中既心水，今次我去咗佢哋中環既旗艦店，舖頭好闊落，仲有少少位置可以坐係高凳或者立食，皆因呢度除咗飲品之外仲有供應幾款小食，好多元化，作為下午茶係一個幾好既選擇👍🏻👍🏻珍珠紅豆拿鐵呢杯叫咗凍飲，一啜就啜到超多珍珠👻珍珠係細細粒既，係偏向軟Q既口感，加埋唔少粉粉地仲keep到咬口既紅豆，口感好豐富，因為紅豆本身帶有天然香甜味，所以叫微糖都ok，甚至無糖都得，得咗。冬瓜鐵觀音 另外冬天飲返杯熱飲，暖下身就啱晒，呢杯熱既冬瓜鐵觀音飲嘅時候真係要小心，因為真係好熱🤣🤣冬瓜既香甜味好突出。香辣吞拿魚吐司飲飲下甜既飲品都想食啲咸點平衡下味蕾，估唔到茶飲店整小食都整得咁出色！呢款吐司餡料有吞拿魚醬同蛋，一切開啲吞拿魚醬就湧晒出嚟，好澎湃！吐司係烘到超級脆，邊邊位好似餅乾咁crunchy😍同入面軟滑既餡料夾埋層次感好平衡，吞拿魚醬混入台灣既香辣醬，辣勁好強🌶🌶有啲似港式傳統辣椒油既味道，仲有啲類似花椒油既麻香，嗜辣之人啱晒，個蛋仲好嫩滑添😋😋香菇貢丸另外仲有啲牛肉球、燒賣等街頭小食，呢個貢丸好彈牙～人均消費：$40推介指數（10分為滿分）：8分