影片
更多
2021-06-06
55 瀏覽
🍴墨西哥芝士新豬肉薄脆 HK$148上次係沙田分店食過真豬肉版，今次試下新豬肉版，就連車打芝士都係純素，份量大兜過上次，番茄莎莎好醒胃，墨西哥辣椒火辣惹味，而新豬肉肉質幾似真豬肉，但我都係鍾意真豬肉嘅味道多啲，不過呢款小食就算無豬肉都非常可口。🍴酥脆魷魚圈 HK$128雖然叫做魷魚圈，但實際係大大塊魷魚片，一炸就會攣，炸得酥香，魷魚鮮甜，軟滑彈牙，青檸蛋黃醬亦調配得幾出色，滋味清新。🍴慢煮脆皮豬腩 HK$228之前食過豬拼盤，試匀全部招牌豬菜式，豬腩都幾香，但可能切片，唔算腍，今次單點豬腩，睇下有冇分別。今次係原件上，豬皮相當爆脆，慢煮豬腩肉鬆軟濕潤，甘香冇臊味，好食過之前，香辣醋汁甜甜地，有啲似吉列豬扒醬，亦可以點芥末醬，更加刺激。🍴Go Banana Sundae HK$88香蕉配朱古力雪糕配搭夠經典，窩夫熱辣辣，外脆內軟。🍴The Salted Pig's "Tea" HK$88由氈酒、冧酒、伏特加調配而成，酒味好濃，我揀左芒果味，酸酸甜甜，夏日佳品。🍴Oreo Madness HK$68味道似朱奶，口感順滑。呢度同沙田分店同樣寬敞舒服，食物水準差唔多。📍The Salted P
🍴墨西哥芝士新豬肉薄脆 HK$148
上次係沙田分店食過真豬肉版，今次試下新豬肉版，就連車打芝士都係純素，份量大兜過上次，番茄莎莎好醒胃，墨西哥辣椒火辣惹味，而新豬肉肉質幾似真豬肉，但我都係鍾意真豬肉嘅味道多啲，不過呢款小食就算無豬肉都非常可口。
🍴酥脆魷魚圈 HK$128
雖然叫做魷魚圈，但實際係大大塊魷魚片，一炸就會攣，炸得酥香，魷魚鮮甜，軟滑彈牙，青檸蛋黃醬亦調配得幾出色，滋味清新。
🍴慢煮脆皮豬腩 HK$228
之前食過豬拼盤，試匀全部招牌豬菜式，豬腩都幾香，但可能切片，唔算腍，今次單點豬腩，睇下有冇分別。今次係原件上，豬皮相當爆脆，慢煮豬腩肉鬆軟濕潤，甘香冇臊味，好食過之前，香辣醋汁甜甜地，有啲似吉列豬扒醬，亦可以點芥末醬，更加刺激。
🍴Go Banana Sundae HK$88
香蕉配朱古力雪糕配搭夠經典，窩夫熱辣辣，外脆內軟。
🍴The Salted Pig's "Tea" HK$88
由氈酒、冧酒、伏特加調配而成，酒味好濃，我揀左芒果味，酸酸甜甜，夏日佳品。
🍴Oreo Madness HK$68
味道似朱奶，口感順滑。
呢度同沙田分店同樣寬敞舒服，食物水準差唔多。
📍The Salted Pig
荔枝角長順街15號D2 Place二期地下G02號舗
張貼
