咖啡灣 (荃灣千色匯) (已結業)

我屋企對面都有間咖啡灣。平時都食開食慣。其實本來都冇諗住喺荃灣呢度咁多嘢食嘅地方再食。但係真係諗唔到食咩嘅關係之下。我想同朋友坐低傾吓計飲吓嘢。於是乎我又再選擇咖啡灣。呢度舖頭亦都唔算大。但係食客嘅數量都多。好唔容易先坐低有得食。最後我哋就叫咗份炸雞配薯條。蜜糖炸雞炸得非常香脆。除咗炸得夠脆之外，亦食得出有蜜糖味。雞肉唔會太鞋，都唔會話太老。食嘅時候亦都有肉汁咇出嚟。薯條炸得好好食。估唔到除咗飲品之外。咖啡灣嘅小食亦都相當出色。