影片
更多
2021-07-14
548 瀏覽
早排入咗大澳玩，出返去市區就去咗東涌搵嘢食，我哋求其入咗間中菜館，最主要係因為見到佢有片皮鴨食🤩 佢仲有個好得意嘅名添，叫「會跳舞的烤鴨」💃🏻🦆，於是就緊係入去試試佢啦🤣呢個片皮鴨之所以叫會跳舞的烤鴨，原來係因為佢配搭咗爆炸糖嚟食😆 第一道師傅上咗鴨胸皮比我哋食，鴨胸皮好酥脆，由於只得皮，成個口都會充滿油脂🙈 餐廳建議唔包餅皮，點藍梅醬同爆炸糖一齊食，可以解一解油膩，而呢個配搭第一次試，好新奇好特別，估唔到竟然match🤩而第二道係鴨胸肉，同樣建議我哋唔包塊皮食，而係點佢呢到秘制嘅黃芥末醬食，佢嘅黃芥末醬係酸中帶少少甜，好開胃，而鴨胸肉有啲肉就無咁肥，但個皮依然好油🤣最後一道係鴨腿肉，期待已久，因為終於可以包餅皮食！😚 佢除咗傳統食法之外，仲有一個新式食法：加山楂條、紫洋蔥同埋藍莓醬，但我始終認為傳統嘅食法係最好嘅，唔需要咁多花臣🤣除咗片皮鴨，我哋仲叫咗炒肉絲，佢嘅炒肉絲係用咗黑醋嚟炒，食落酸酸澀澀咁，唔係我鍾意嘅口味😮💨 加上佢嘅肉絲比較鞋身，我就覺得呢道菜唔係我果味啦🤔 而個包都好快凍咗，搞到食落成個感覺都真係好麻麻，唔太推薦🤨總括而言，呢間中菜館食嘅片皮鴨都幾有新意，冇諗過片皮
會跳舞的烤鴨(半隻)
$228
17 瀏覽
0 讚好
0 留言
呢個片皮鴨之所以叫會跳舞的烤鴨，原來係因為佢配搭咗爆炸糖嚟食😆 第一道師傅上咗鴨胸皮比我哋食，鴨胸皮好酥脆，由於只得皮，成個口都會充滿油脂🙈 餐廳建議唔包餅皮，點藍梅醬同爆炸糖一齊食，可以解一解油膩，而呢個配搭第一次試，好新奇好特別，估唔到竟然match🤩
而第二道係鴨胸肉，同樣建議我哋唔包塊皮食，而係點佢呢到秘制嘅黃芥末醬食，佢嘅黃芥末醬係酸中帶少少甜，好開胃，而鴨胸肉有啲肉就無咁肥，但個皮依然好油🤣
最後一道係鴨腿肉，期待已久，因為終於可以包餅皮食！😚 佢除咗傳統食法之外，仲有一個新式食法：加山楂條、紫洋蔥同埋藍莓醬，但我始終認為傳統嘅食法係最好嘅，唔需要咁多花臣🤣
張氏炒肉絲
$98
17 瀏覽
0 讚好
0 留言
除咗片皮鴨，我哋仲叫咗炒肉絲，佢嘅炒肉絲係用咗黑醋嚟炒，食落酸酸澀澀咁，唔係我鍾意嘅口味😮💨 加上佢嘅肉絲比較鞋身，我就覺得呢道菜唔係我果味啦🤔 而個包都好快凍咗，搞到食落成個感覺都真係好麻麻，唔太推薦🤨總括而言，呢間中菜館食嘅片皮鴨都幾有新意，冇諗過片皮鴨都可以加爆炸糖落去食🤣 不過我都係覺得傳統嘅食法係最好嘅☺️ 而佢嘅性價比唔算好高，我覺得啲鴨同炒肉絲嘅份量有啲偏少，同埋整體隻鴨都非常油膩，我覺得如果想食啲創新嘅食法都可以一試！🙈
張貼
