茶湯會 (環球大廈) (已結業)

行過見到茶湯會有all day set，都幾吸引，叫左份試下。燕麥觀音拿鐵奶味偏濃，茶味好夠香。平時飲開台式飲品都係落珍珠，今次試下燕麥，飲落幾有咬口，而且燕麥具有膳食纖維，食落感覺健康過食珍珠，唔想下下食珍珠咁肥，不妨可以試下轉燕麥，成杯飲品熱量都低啲😂香辣吞拿魚吐司即叫即整，等五分鐘就有得食，隔住個包裝袋都覺得熱辣辣。吐司烘至金黃色，咬落好香脆。入面既吞拿魚沙律份量超多，食到中間會滿瀉，同埋會有少少辣汁，作為一個唔食得辣既人，辣度係完全可以接受既範圍，配埋latte就更加滋味。早餐叫份all day set，加杯拿鐵提神，可以開始新的一天🥳