茶湯會 (環球大廈) (已結業)

同好友行足全日街，經過茶湯會中環旗艦店，買返2杯野飲解下渴~見到全新推出燕麥系列，有成5個選擇，眾所周知燕麥對健康好，可以減肥瘦身、預防便秘、改善血糖等，觀音拿鐵一向係我首選，一於飲返杯燕麥觀音拿鐵!觀音拿鐵一貫濃厚焙韻，配豐醇鮮奶，茶感鮮明唔會澀，再加由台灣直送既燕麥極具咬口又健康，滿足又飽肚，甜度剛好，飲落相當順口~好友揀左皇牌之一既新鮮水果茶，健康養生又潤燥，蘊含含豐富維他命，啖啖香甜清新好解渴，飲起上黎特別消暑。茶湯會仲特別推出全日輕食套餐，飲品可加配多款滋味小食，我地揀左吞拿魚沙律吐司，營養豐富，美味可口，層次分明，做下午茶岩哂，同好友SHARE份量剛好!