影片
更多
2015-11-19
1818 瀏覽
不嬲都最鍾意燒燒燒，大愛既日燒食得多，串燒都自己落手落腳燒，就係第一次。呢度環境幾好，有個爐俾你自助咁將點完既食物燒黎食！由於成個爐係面前，所以坐落有少少焗促。個爐用左日本火山石，特別既發熱線令食物可以燒得好平均，調味料一共有三款，酸辣汁，玫瑰花醬，日式照燒汁！
牛舌心牛味不濃，但就相當嫩且帶汁，燒得半生熟咁，粉紅效果，好吸引！金菇肥牛卷牛肉半肥瘦，加上爽口金菇，好有0趙口，加上酸辣汁，感覺最襯。免治雞肉卷雞卷內有我意料之中的軟骨，每口食到索索聲，我自己加上照燒同玫瑰醬汁，甜甜地咁唔錯！扎幌八爪魚餅口感味道更似魚餅，雖然中間都見到有八爪魚粒粒的，但沒太大驚喜。流心芝士年糕同平時食開既炸芝士年糕好唔同，白色的燒好係金黃色的，好香而且比炸既更健康，外層年糕好軟熟，芝士不多但好濃味，超得！大蔥雞肉串雞肉好快熟，我手勢不錯，當然個爐應記一功，雖然燒得ok，但原來我失手，肉中間有些少0鞋！燒生蠔燒完有點小巧，但挺有鮮味的。牛仔肉肉質細嫩，薄切切的，肉有光澤，口感不錯。芝魚丸呢個好得意，第度無食過，燒燒下d芝士醬已經咇曬出黎，雖然白色外表平平無奇。留意燒好要即食，否則外層會有點硬，雖然燒時咇了汁，
不嬲都最鍾意燒燒燒，大愛既日燒食得多，串燒都自己落手落腳燒，就係第一次。呢度環境幾好，有個爐俾你自助咁將點完既食物燒黎食！由於成個爐係面前，所以坐落有少少焗促。個爐用左日本火山石，特別既發熱線令食物可以燒得好平均，調味料一共有三款，酸辣汁，玫瑰花醬，日式照燒汁！
牛舌心
牛味不濃，但就相當嫩且帶汁，燒得半生熟咁，粉紅效果，好吸引！
金菇肥牛卷
牛肉半肥瘦，加上爽口金菇，好有0趙口，加上酸辣汁，感覺最襯。
免治雞肉卷
雞卷內有我意料之中的軟骨，每口食到索索聲，我自己加上照燒同玫瑰醬汁，甜甜地咁唔錯！
扎幌八爪魚餅
口感味道更似魚餅，雖然中間都見到有八爪魚粒粒的，但沒太大驚喜。
流心芝士年糕
同平時食開既炸芝士年糕好唔同，白色的燒好係金黃色的，好香而且比炸既更健康，外層年糕好軟熟，芝士不多但好濃味，超得！
大蔥雞肉串
雞肉好快熟，我手勢不錯，當然個爐應記一功，雖然燒得ok，但原來我失手，肉中間有些少0鞋！
燒生蠔
燒完有點小巧，但挺有鮮味的。
牛仔肉
肉質細嫩，薄切切的，肉有光澤，口感不錯。
芝魚丸
呢個好得意，第度無食過，燒燒下d芝士醬已經咇曬出黎，雖然白色外表平平無奇。留意燒好要即食，否則外層會有點硬，雖然燒時咇了汁，但實情內容並不多芝士，也不太有芝士味。
青口
味道不過不失，不太特別，可以不點也沒損失。
黑豚腩片，肥肉部分挺香，油脂份佈夠均勻，厚薄切得恰好，完全不覺膩！
牛肩肉，比牛仔塊要厚，肉味超濃呀，愛牛人仕不可錯過。
餐廳食物質素有返咁上下，而且環境夠得意，首次自己燒串燒，沒有失望，仲充滿信心咁燒左好多黎食tim，一切要歸功個不可多得既靚爐！！
張貼
