陶園燒臘飯店 (已結業)

今晚唔想出街食又唔想自己煮，所以就斬啲料番屋企食。呢間燒臘店係佐敦地鐵站行幾分鐘就到啦，位置都好方便。燒鵝下庄$120呢間燒臘店門口有隻着左恤衫ge燒鵝，好搞笑，應該佢地ge招牌就係燒鵝啦，一於試試佢。燒鵝色澤好靚喎，脾位又夠嫰滑，滷水汁同酸梅醬亦俾左好多，雖然話燒鵝本身都夠味，但點埋汁醬又有另一番風味。叉燒$50 $50份量都唔少喎，唔會太肥太瘦，亦都唔會燒到太燶。呢度仲有好多其他燒味選擇，燒肉，燒腩仔，燒腩骨，切雞油雞，滷水鵝，滷水鴨。單/雙拼飯都只係$36-38，仲係全日供應，幾抵食喎。店員(定老板娘?)態度都唔錯，好樂意推介食咩好，如果無咩idea不防問下佢地。