85
15
14
餐廳: Amazake
優惠: 食飯都有得賺里數? 仲唔即刻訂枱?
星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
等級2
8
0
2017-05-27 611 瀏覽
午餐喺另一間餐廳中晒伏,諗住夜晚食呢間Amazake咁多好評應該實無死啦,點知墮入無間地獄,睇黎今日食神今日唔多眷顧我。Happy friday 七點半入座,去之前懶無book位仲擔心緊有無位,點知去到竟然只係得兩檯客,已經覺得伏味甚濃。星期五喎,七點半喎,中環喎,老蘭隔黎咋喎,唔通成個中環D人都O緊T?睇睇個餐牌,價錢一D都唔親民,不過中環食日本野,預左。因為小弟唔飲酒,所只happy hour唔岩我。野食就揀左海膽配麵包糠、帶子海膽墨西哥夾餅、Amazake Roll同埋鵝肝和牛炒飯。無心插柳之下幾樣想食嘅野都咁岩係有海膽。先黎嘅係海膽配麵包糠,賣相係幾好嘅,不過就真係剩係得個樣。我初頭以為佢會係類似係天婦羅咁,原來佢真係就咁海膽+麵包糠墊底。海膽同麵包糠真係九唔搭八,怪就只怪我無睇清楚同問清楚。個麵包糠又唔係好食,凍冰冰,溝埋海膽又會搶晒佢D鮮味 (如果個海膽係新鮮嘅話)。唔計菊花同紫菜絲,$120大元,成碟野可以食嘅只係海膽 (同埋幾粒三文魚籽咁囉)。而主角海膽嘅質素就。。。。葵廣嘅海膽手卷都仲要新鮮過佢!!!食完第一道菜之後我地就非常擔心,因為之後仲有兩道菜係會用到海膽嘅,而
更多
131 瀏覽
0 讚好
0 留言

午餐喺另一間餐廳中晒伏,諗住夜晚食呢間Amazake咁多好評應該實無死啦,點知墮入無間地獄,睇黎今日食神今日唔多眷顧我。Happy friday 七點半入座,去之前懶無book位仲擔心緊有無位,點知去到竟然只係得兩檯客,已經覺得伏味甚濃。星期五喎,七點半喎,中環喎,老蘭隔黎咋喎,唔通成個中環D人都O緊T?

1186 瀏覽
1 讚好
0 留言

1452 瀏覽
0 讚好
0 留言

1899 瀏覽
0 讚好
0 留言

睇睇個餐牌,價錢一D都唔親民,不過中環食日本野,預左。因為小弟唔飲酒,所只happy hour唔岩我。野食就揀左海膽配麵包糠、帶子海膽墨西哥夾餅、Amazake Roll同埋鵝肝和牛炒飯。無心插柳之下幾樣想食嘅野都咁岩係有海膽。

海膽配麵包糠
$120
107 瀏覽
0 讚好
0 留言

先黎嘅係海膽配麵包糠,賣相係幾好嘅,不過就真係剩係得個樣。我初頭以為佢會係類似係天婦羅咁,原來佢真係就咁海膽+麵包糠墊底。海膽同麵包糠真係九唔搭八,怪就只怪我無睇清楚同問清楚。個麵包糠又唔係好食,凍冰冰,溝埋海膽又會搶晒佢D鮮味 (如果個海膽係新鮮嘅話)。唔計菊花同紫菜絲,$120大元,成碟野可以食嘅只係海膽 (同埋幾粒三文魚籽咁囉)。而主角海膽嘅質素就。。。。葵廣嘅海膽手卷都仲要新鮮過佢!!!


帶子海膽墨西哥夾餅
$66
60 瀏覽
0 讚好
0 留言

食完第一道菜之後我地就非常擔心,因為之後仲有兩道菜係會用到海膽嘅,而食唔新鮮嘅海膽就好似食屎咁,貼錢買難受。跟住黎嘅帶子海膽墨西哥夾餅,個樣又係幾吸引,價錢亦合理得多,只係$66。上面係海膽+帶子+黑松露醬+沙律醬,因為已經知道海膽嘅質素所以無期望亦都無失望。但係呢碟嘅出事位係下層嘅紫菜天婦羅,唉,又凍又硬,都唔知佢炸定幾耐先拎出黎,一D誠意都無


Amazake roll
$140
47 瀏覽
0 讚好
0 留言

主菜Amazake roll,海膽+吞拿魚蓉+三文魚籽,配搭上其實都無咩特別,海膽質素如一,叫價$140。中環價錢,葵廣(都不如)嘅味道。

鵝肝和牛炒飯
$138
54 瀏覽
0 讚好
0 留言


最後一道鵝肝和牛炒飯,鵝肝+和牛+溫泉蛋呢個組合應該無得輸,但係。。。佢整到淡而無味,係咪唔記得落鹽?

總括來說,食物質素中下,真係唔知D笑臉係點黎嘅。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2017-05-12
用餐途徑
堂食
人均消費
$250 (晚餐)