棋哥燒鵝餐室

營業中

休息中

同好多香港人一樣，我都鍾意食燒味。礙於健康關係， 都會限制自己食燒味嘅次數。燒味之中，燒鵝可以話係我嘅最愛。本身鍾意食鵝，鵝有一種特別嘅香味。燒鵝，就喺鵝肉上面再加一層燒得香脆嘅鵝皮。所以對於質素高嘅燒鵝，我係完全冇抵禦能力嘅。棋哥燒鵝餐室。經過左好多次都未有機會入嚟。近來開始上寫多少少食評。係時候要試吓新嘅地方，寫多啲嘢俾大家睇。先講環境。食燒味嘅餐室來講， 呢度都算乾淨。地方唔算太窄。下午茶時間由兩點半至五點半。有飯有米粉瀨粉，亦都有茶餐廳有嘅麵包三文治等。棋哥燒鵝瀨粉$40(轉鵝胸+$10)因為係茶餐嘅問題吧。飯嘅份量會比較少。其實是應有提議過，如果想食飽少少，可以唔叫茶餐。飯嘅份量會多啲。但我唔係太肚餓所以都係選擇食茶餐。充滿期待去開始試燒鵝嘅味道。一般。鵝肉本身都幾林。冇乜鵝肉香味。 用心試試鵝皮。都麻麻。有少少燶味。凍奶茶亦都係一般。即時令我諗起太興。燒鵝，奶茶utility level 都高好多。灣仔甘牌燒鵝都係。鵝好食好多。銅鑼灣蛇王二嘅燒鵝都好正。我估我未必會再黎。不過佢叫做有茶餐。價錢會平少少。