影片
更多
2017-11-28
168 瀏覽
好少係銅鑼灣搵食，所以就去咗登龍街一次過睇下有咩心水舖頭可以醫下肚～由街頭到街尾都有唔同餐廳，係拉麵特別多，但小妹一心想食日式刺身，所以千挑細選揀咗呢間”魚鮮生”店內環境以木製傢私為重，燈光較暗但充滿日式情懷。周圍貼上日式懷舊POSTER，唔講以為真係去咗日本街頭既餐廳。睇下個MENU 有烏冬、燒魚定食仲有海鮮同刺身定食，都算多選擇。最後叫咗～＄88 燒雙重鰻魚丼＄138 三文魚海膽丼＄20 帶子壽司隨丼附送前菜同湯，當日既前菜係沙律，唔知會唔會日日唔同前菜呢？湯咸度適中不過昆布量唔多燒雙重鰻魚丼鰻魚丼好有驚喜，原來雙重係有2款鰻魚，上枱時仲暖既，所以應該係即叫即燒。其中一款鰻魚係海鰻，原條上枱，師傅仲將條海鰻包住一舊飯，令整碗鰻魚丼更吸引。 海鰻魚味較重而且薄身D，同碗內附送既紫菜一齊食，好夾！另一款鰻魚店員都唔知叫咩名，食落雖然魚味無咁重但炭燒味濃，所以2款鰻魚各有特色，互相輝映，互不搶戲三文魚海膽丼丼內既三文魚有普通三文魚同三文魚腩，但三文魚少咗一份鮮味同油脂味，同想像中有出入。海膽一共有2片，都好新鮮但份量略為少咗D。整碗刺身飯小妹覺得價錢貴咗D帶子壽司壽司是手握的，帶子不過不
由街頭到街尾都有唔同餐廳，係拉麵特別多，但小妹一心想食日式刺身，所以千挑細選揀咗呢間”魚鮮生”
店內環境以木製傢私為重，燈光較暗但充滿日式情懷。周圍貼上日式懷舊POSTER，唔講以為真係去咗日本街頭既餐廳。睇下個MENU 有烏冬、燒魚定食仲有海鮮同刺身定食，都算多選擇。
最後叫咗～
＄88 燒雙重鰻魚丼
＄138 三文魚海膽丼
＄20 帶子壽司
隨丼附送前菜同湯，當日既前菜係沙律，唔知會唔會日日唔同前菜呢？湯咸度適中不過昆布量唔多
燒雙重鰻魚丼
鰻魚丼好有驚喜，原來雙重係有2款鰻魚，上枱時仲暖既，所以應該係即叫即燒。其中一款鰻魚係海鰻，原條上枱，師傅仲將條海鰻包住一舊飯，令整碗鰻魚丼更吸引。 海鰻魚味較重而且薄身D，同碗內附送既紫菜一齊食，好夾！另一款鰻魚店員都唔知叫咩名，食落雖然魚味無咁重但炭燒味濃，所以2款鰻魚各有特色，互相輝映，互不搶戲
三文魚海膽丼
丼內既三文魚有普通三文魚同三文魚腩，但三文魚少咗一份鮮味同油脂味，同想像中有出入。海膽一共有2片，都好新鮮但份量略為少咗D。整碗刺身飯小妹覺得價錢貴咗D
帶子壽司
壽司是手握的，帶子不過不失但覺得薄咗DWASABI好嗆，如果怕嗆既就記得唔好落咁多～
小妹絕對會為咗燒雙重鰻魚再黎食，除咗價錢合理外，鰻魚分量亦多。最重要的是飯內亦淋上鰻魚汁令飯唔會太乾，濕軟而入味既飯，一啖接一啖好快食哂。若大家會入”魚鮮生”食的話，不妨叫返個燒雙重鰻魚丼喇～
張貼
