神座日本料理 (已結業)

星期日晚來到西環食晚飯，未食過呢到，坐底試下。這裡是街坊小店，耐唔久都會試下這類型既小店，期望有驚喜好吃的東西，當然驚喜有時，這裡還可以的。叫左幾款燒野試下，先黎係雞翼，燒得夠乾身，不過味淡淡的，灑多點鹽效果會好好多。燒鵝肝，係師傅推介的一款，面燒到少少燶，有少少脆，不過食落個味就有點普通，三十幾蚊，算是這樣了。燒牛舌是燒得最好的，唔會太乾身，肥度適中夠爽口，有水準的。餃子無咩特別亦無咩印象，銀鱈魚燒得不錯，夠肥的，很少係街叫食銀鱈魚，因為好多時都食到重重雪味，這裡的還可以。燒野不錯，以同區黎講，這裡吃得過的。做街坊生意，幾旺場，服務可以的，係d枱擺得較為密，有點迫，不過整體滿意的。