Hidden Table (已結業)

今日行過紅磡，見到呢間燒賣專門店，睇吓門口餐牌，原來佢地嘅燒賣都幾多款式，d款式仲好特別，有日式，泰式，仲有四川口味,我地叫咗幾款試吓。日式大阪魚肉燒賣$26上面有大量木魚碎同大阪燒嘅醬汁，配埋燒賣食，又幾正秘制豬肉燒賣$26呢款係炸過嘅豬肉燒賣，外脆內軟，幾好食，豬肉嘅質地都彈牙，配埋佢地嘅醬汁，幾惹味。奶油麻辣魚肉燒賣$26奶油加麻辣，完全想像唔到可以夾埋，食落估唔到又幾match,好creamy帶少少辣，幾好食，而燒賣嘅質地煙煙韌韌，唔錯。泰式乾蒸牛肉燒賣$26上面鋪滿芫荽，仲有泰式酸甜汁，個味道好泰式，牛肉燒賣嘅口感好好食，正。食燒賣唔少得飲d有汽嘅汽水爽一爽，叫咗桃味汽水同菠蘿梳打，2款嘅味道都好香果味，唔錯。