差唔多1:30pm去到，以為睇錯點解門口咁多後生仔女。諗深一層其實好事嚟，個個支持係開心嘅！好快有位等咗三四個字就入到去。
燒賣有驚喜，個味好食裏面有好大隻蝦! 正呀，個燒賣分分鐘好食過平時賣到貴一貴酒樓！
鮮竹卷三條勁大條，好多汁唔乾係油咗少少，$18呢個價錢都足料。
奶皇包黎到係超熱 #凍得滯無奶流 雖然唔係流心中間有大大個鹹蛋黃，好有以前嘅味道。
1
菜苗餃超推介，隻隻都好大，每啖都食到菜苗同鮮味嘅蝦，唔係無味！真係唔好意思#食埋人地條菜食曬三隻
臘味糯米飯唔知點解有咁多蛋同花生，臘味就唔多。成個飯唔重臘味味，個飯係多嘅，呢個就麻麻啦。
1
做緊午市優惠點心要四款送一款！酒樓姐姐好有心話多謝我哋啲後生，如果無人支持佢哋冇得做，人情味濃，男人老狗聽完有啲想流馬尿...平心而論質素一般，下午茶真係抵食兩條友食咗$120 咋！呢個價錢真係平靚正 #平時叫隻雞都唔得啦
