燒蝦蝦 (興泰大廈) (已結業)

呢度好大，而且食物分類做得幾好，唔會所有人逼埋一齊拎嘢食。至於招牌流水蝦，就喺正每一枱嘅隔離，夠晒方便😍 全程自己釣、自己燒，啲蝦全部都大大隻，多膏，重蝦味😋大家可以喺醬料區自行調配串燒醬汁，做個小廚神👩🏻‍🍳蒜蠔調得好惹味，肉質鮮嫩啖啖肉，食唔停口👍🏼雞全翼經過醃製，唔會過鹹，我哋搽咗啲蜜糖喺面，相當入味，亦都係好肥美👍🏼扒類方面，我哋就加少少鹽同燒烤粉調味，唔韌冇根有油脂香🤤之後我仲忽發其想喺飲品區拎咗枝韓國真露，倒少少落個錫紙兜度浸住啲螺，啲螺肉入晒味，爽口帶醉香，意外地好食！嚟得燒烤，當然唔少得丸類啦，我哋樣樣都拎啲，同樣高質，口感彈牙冇雪味。