蛇王易 (已結業)

呢幾日天氣反反覆覆，昨日熱到似夏天，今日就翻風兼落雨，氣溫急跌到好似冬天咁！經過灣仔道，見到一間裝修新浄的飯店，見差不多近中午食飯時間，就坐低食個午餐先。原來呢間係由老字號蛇王2班底主理的燒臘飯店，除咗有出名的蛇羹糯米飯之外，仲多左燒臘選擇。點咗雙拼叉燒切雞飯，再加潤腸😄切雞好滑又夠熟，好怕啲骨有血紅色👍叉燒唔肥但又唔會柴皮，正！第一次食潤腸係脆皮，而且焗過唔覺油膩，咬落仲好香添。飲埋杯凍檸茶，呢餐好滿足。